Oh Amang Banal, Kataas-taasang Deus na Maylikha ng langit at lupa, purihin ka at dakilain ang Makapangyarihan mong Pangalan.
Kami po ay patawarin sa aming mga pagkakasala. Batid naming ang aming pagkakasala ay umabot na sa Iyong Walang hanggang Kaharian. Kahabagan mo po kami Oh ABBA.
Ipag-adya mo po kami sa mga kalamidad at trahedya na aming dinadanas sa mga panahong ito. Ipadala mo po sa amin ang mga anghel mong dakila upang kami'y maligtas sa Iyong poot.
Lubos po ang aming pananalig at pananampalataya sa Iyo aming Ama. Nakikita at natatarok mo ang bawat nilalaman ng aming puso't isipan.
Matuwid ang Iyong mga hatol ayon sa aming mga gawa. Hindi ka nagkakamali sa Iyong mga panukala at mga salita.
Dakilain ang Iyong Banal na pangalan sa buong sangkalupaan at sangkalangitan. Marapat kang papurihan at awitan ng mga awit ng papuri.
Wala kaming magagawa sa aming sarili kung hindi ang kalooban mo ang maghahari. Iligtas po ninyo kami mula sa mabangis mong paghihiganti buhat ng aming mga kasalanan.
Ito po ay aming hinihingi sa Pangalan ng Iyong Bugtong na Anak na amin namang Tagapagligtas Panginoong Yahushua Hamaziah.
SATOR AREPO TENET OPERA ROTAS NIGNEME HESUS, AMEN.
Walang komento:
Mag-post ng isang Komento