ANG AKLAT NA ITO AY PAWANG NAGLALAMAN NG MGA KARUNONGANG LIHIM NA NAUUKOL SA PANGGAGAMOTAN. DITO MATUTUNGHAYAN ANG MGA BANAL NA SALITA NA EPEKTIBONG NAKAKAPAGPAGALING NG IBA’T IBANG KARAMDAMANG PISIKAL AT ESPIRITUWAL. NARITO RIN ANG MGA PAMAMARAAN NG PAGPAPALAYAS NG MGA DEMONYO AT DIABLO NA SUMASAPI SA KATAWAN NG ISANG TAO. ANG TAONG MAGTATANGAN NITO AY KINAKAILANGANG LUMAYO SA MGA GAWAING MASASAMA SA HARAPAN NG DEUS AT MAMUHAY NA NAAAYON SA KANYANG KALOOBAN. MAHALIN ANG DEUS UNA SA LAHAT AT MAHALIN MO RIN ANG IYONG KAPWA GAYA NG PAGMAMAHAL MO SA IYONG SARILI. ANG MAGTANIM NG MABUTI SA KAPWA AY AANI NG MABUTI AT ANG MAGTANIM NG KASAMAAN AY AANI NG MASAMA. HUWAG MANININGIL NG ANUMANG HALAGA NG SALAPI MULA SA MGA TAONG IYONG GAGAMITIN BAGKUS TUMULONG KA NG WALANG HINIHINGING KAPALIT AT ANG AMA SA LANGIT AY PAGPAPALAIN KA NG LIHIM. HUWAG IPAGDAMOT ANG IYONG KARUNONGAN BAGKUS ITURO MO ITO SA MGA TAONG NAIS MATUTO AT SA TINGIN MO’Y LUBOS SIYANG MAPAGKATIWALAAN AT MAY BUSILAK NA PUSO.
Walang komento:
Mag-post ng isang Komento