Arcana Potentia Kapitulo 7 Bersikulo 1-20
 |
| Gikan sa Basahon nga Arcana Potentia Cebuano Version ni William Ubagan |
Kapitulo 7
1 Ug sa pag-abot sa ikapitong adlaw sukad mikunsad ang tingog sa Langit kang Samson, nagtigom ang tanang kalalakin-an ilalom sa kahoy sa Shemirah, ug didto nagtukod sila og halaran aron ihalad ang ilang kaugalingon alang sa balaang pakigbisog
2 Ug si Samson mitindog sa ilang taliwala, ug ang iyang tingog nahimong sama sa tambuli sa kabukiran, ug miingon siya
3 “Karon dili na kita mga ulipon sa kahadlok kondili mga manggugubat sa kahayag Ang atong mga kamot dili alang sa pagpatay kondili sa paghatag og paghukom Ang atong mga baba dili alang sa paghukom sa uban kondili sa pagpahibalo sa pagkamatarong”
4 Ug gisul-ob ni Samson ang taming nga hinimo sa panit sa leon nga gihatag kaniya sa usa ka tigulang nga ermitanyo gikan sa Golan, ug sa iyang agtang gibutang ang balaang timaan nga adunay kini nga orasyon
5 “Kodesh-El Tzabaoth, Misra’kor Al Zeman!”
6 Ug ang iyang mga mata misidlak sama sa adlaw sa udto
7 Ug iyang gipangulohan ang pag-awit sa Awit sa Hukom, usa ka karaang himno nga gihunghong lamang sa mga esoterikong pari matag panahon sa paghatag og hukom
9 Ug sa pagtapos sa awit, mikurog ang yuta, ug gikan sa ilalom sa halaran mitungha ang itom nga aso nga adunay baho sa asupre
10 Ug misulti si Samson, “Ania na ang mga binuhat gikan sa Walog sa Anino, mga espiritu nga gipapahawa sa Panahon sa Pagkahulog”
11 Ug usa sa mga lalaki nga si Malakiyah misinggit, “Wala kami maanad sa pakig-away sa mga dili makita”
12 Apan mitubag si Samson, “Pinaagi sa Pulong, ang tanang dili makita mapadayag”
13 Ug iyang gibungat ang unang pag-ampo sa Pagpadayag
14 “Ishtaron-El Shevor! Malekah Bakh’nezai!”
15 Ug ang mga anino nagsugod pagbaton og porma, nahimo silang mga halas nga binuhat nga adunay mga mata nga kalayo, baba nga sama sa lintik, ug mga sungay nga sama sa dragon sa karaang sugilanon
16 Ug miingon ang usa sa mga binuhat, “Samson, kami gitunglo apan kami usab mga anak sa karaang himaya Kami nanimalos sa mga nagpuyo sa kahayag”
17 Ug si Samson wala mahadlok kondili miduol kanila ug miingon, “Kon aduna pay nahibiling baga sa pagkamatarong sa inyong sulod, lumuhod kamo Apan kon kangitngit ang inyong gipangita, ako ang inyong katapusan”
18 Ug iyang gibayaw ang iyang tuong kamot ug gisulti ang Dakong Orasyon sa Pagpapahawa
19 “Aktorem Zavu’ah, Elyon Barakh’el, Sendur Kam’zadir!”
20 Ug midagundong ang langit, mikunsad ang kalayo, ug ang mga binuhat nga anino misinggit og mga pulong nga dili masabtan ug nawala sa lanog sa kahayag.
 |
| SCAN, DONATE AND DOWNLOAD THE BOOK |
Mga Komento
Mag-post ng isang Komento